Tigin Kana Janji

Di Mushala al-Mahabbah, jam 11:11, tanggal 11, bulan 11, taun 2011, anjeun jeung kuring ngagawean hiji hal nu mugia aya dina ridho Gusti Nu Kagungan. Cipanon anjeun jeung kuring nu ngeclak, janji anjeun jeung kuring nu kaucap, ditambah do'a Ambu Heny Gustini nu ku urang aos sasarengan, "Kalawan ku ngucapkeun Bismillah.. pek aranjeun kudu silih cangreud ku kadeudeuh, jeung silih cancang ku kanyaah. Dua harepan ngahiji, mugi nepi ka bale nyungcung. Najan gogoda rancana hirup geus tangtu aya, mun geus ditungkus ku Dzat Nu Gaduh Qudrat, moal aya nu bisa nyingraykeun pasini nu geus tigin kana janji. Amiin…"

12-November-2011